Senin, 10 September 2012

Turi-turian Girsang dengan Rusa.

Marragam do hahomion dibahen Debata Jahowa tu manusia tinompana. Dinaung loja jala bernit parniahapan ni si Girsang dung melarikan diri sian Humbang na uju i sahat ma ibana tu LEHU Dairi. Mangoli ma ibana tu boru Manik, alai martabuni do ibana laos didok do tu angka jolma di luat i asa dijalo keberadaan nasida, alai ro do angka jolma i mandok na so boi ibana berketurunan disi. Tubu ma anakna baoa sada, alani biarna sotung dipamate angka jolma na humaliang....gira pintor ditabunihon diboan do tu hutan. Dipature ma pansa2 inganan ni poso2 i laos ganup ari ditaruhon ma susu tu poso2 i. Dinasahali tung tarsonggot do ibana na adong sada URSA ( bahasa Indonesia RUSA ) betina jonok tu poso2 i laos dipamanat ma na manarus poso2 i tu ursa i. Ima sada hahomion ni Debata na terjadi tu poso2 i. Laos bersumpah ma si Girsang jala ditonahon tu pinomparna NASOJADI PANGANON ni PINOMPARNA sogot daging ursa. Asa martanda di dolok martanda nang di toruan somaldo molo pinompar ni Girsang na sian Lehu sai dibaen do HIASAN ULU ni RUSA di jabunasida laos ima partanda ni Girsang na marharoroan si Sihombing Lumbantoruan. 

Note 1: Ndang sude marga Girsang nasian Lumbantoruan...adong do na sian Purba dohot sian na asing do pe.
Note 2. Ianggo anggina Ompu Salumban na rap melarikan diri dohot sahalak marga Nababan gabe tu Parsoburan do maringanan, laos nasida ma na marpadan tu marga Sitorus.
Note 3. Uju di Humbang nunga adong pinompar ni si Girsang sian boru Sianturi laos sahat rasirasa sadarion di Sitappurung do marhuta.