Kamis, 06 Februari 2014

PENGURUS Borsak Sirumonggur Sihombing Lumbantoruan wilayah2 di Indonesia

Daftar Punguan Daerah Pomparan ni Borsak Sirumonggur dohot Boru, Bere/Ibebere

Oleh Jona Sihombing LToruan pada 3 Juli 2013 pukul 1:38
  1. Parsadaan Borsak Sirumonggur Sihombing Lumbantoruan Boru & Bere Jabodetabek dan Sekitarnya
  2. Parsadaan Borsak Sirumonggur Sihombing Lumbantoruan Boru & Bere Serang dan Sekitarnya
  3. Parsadaan Borsak Sirumonggur Sihombing Lumbantoruan Boru & Bere Semarang dan Sekitarnya,Pengurus: AKBP Dewala Sihombing AKBP D.Sihombing Kasubdit/Polsus Dit Binmas Polda Jateng Jl.Pahlawan No. 1 Semarang
  4. Parsadaan Borsak Sirumonggur  Sihombing Lumbantoruan Boru & Bere Surabaya dan Sekitarnya. Pengurus: Baik Sihombing Perum Griya Permata Gedongan Blok B.IV No.23
    Kebon Sikep Gedongan Sidoarjo Jatim email :baik.sihombing@btn.co.id
  5. Parsadaan Borsak Sirumonggur Sihombing Lumbantoruan Boru & Bere Bandung dan Sekitarnya, Pengurus: Ir.R.P Lumbantoruan Jl Pamekar Barat V No.4 RT 06/03 Perum Panghegar Permai Ujung Berung Bandung
  6. Parsadaan Borsak Sirumonggur Sihombing Lumbantoruan Boru & Bere Bali dan Sekitarnya, Pengurus:Efendi H Sihombing Jl.P.Moyo Perum Jadi Pesona VII No.24 Denpasar Bali
  7. Parsadaan Borsak Sirumonggur Sihombing Lumbantoruan Boru & Bere Pontianak dan Sekitarnya,Pengurus: Jumadi Sihombing, email : jumadi_sh76@yahoo.com atau sihombinghalasan@yahoo.co.id
  8. Parsadaan Borsak Sirumonggur Sihombing Lumbantoruan Boru & Bere Banjarmasin  dan Sekitarnya
  9. Parsadaan Borsak Sirumonggur Sihombing Lumbantoruan Boru & Bere Balikpapan dan Sekitarnya, Pengurus: Pantas Sihombing, alamat email : p-sihombing@ekadharma.com
  10. Parsadaan Borsak Sirumonggur Sihombing Lumbantoruan Boru & Bere Jayapura dan Sekitarnya,Pengurus: Masudin Sihombing, Jl.Nimboran No.16 Dok VIII Bawah Jaya Pura
    Papua
  11. Parsadaan Borsak Sirumonggur Sihombing Lumbantoruan Boru & Bere Sorong dan Sekitarnya, Pengurus: dr Harry E Sihombing MM Jl.Pendidkan Lr 6 No. 2 Sorong Papua Barat
  12. Parsadaan Borsak Sirumonggur Sihombing Lumbantoruan Boru & Bere Bandarlampung dan Sekitarnya
  13. Parsadaan Borsak Sirumonggur Sihombing Lumbantoruan Boru & Bere Palembang dan Sekitarnya, Pengurus:  JH.Sihombing Jl.Mayor Ruslan No.1175 Rt01/02 Kel.8 Ilir Kec.Ilir Timur II Palembang 30114, email: olontoruan@gmail.com
  14. Parsadaan Borsak Sirumonggur Sihombing Lumbantoruan Boru & Bere Jambi dan Sekitarnya, Pengurus:Dollan P.Sihombing LRG Widuri 2 Simp Kawat Jambi.email : andalas_putra@ymail.com
  15. Parsadaan Borsak Sirumonggur Sihombing Lumbantoruan Boru & Bere Bengkulu dan Sekitarnya,Pengurus: Tombus Lumbantoruan Jl.Merba Blok 5 No.198 Rt 11/04
    Kel. Cempaka Permai Kec Gading Gempaka Kota Bengkulu 38229
  16. Parsadaan Borsak Sirumonggur Sihombing Lumbantoruan Boru & Bere Padang dan Sekitarnya
  17. Parsadaan Borsak Sirumonggur Sihombing Lumbantoruan Boru & Bere Pekanbaru dan Sekitarnya, Pengurus: MT Sihombing, Jl.Nilam Sakti No.10 Labuhan Baru Barat Pekanbaru
  18. Parsadaan Borsak Sirumonggur Sihombing Lumbantoruan Boru & Bere Batam dan Sekitarnya Pengurus:Tumbur Sihombing, Komp.Ruko Lotus Garden Blok No 5 (RM Siltor) Batam Centre Jl.Laks Bintan Batam
  19. Parsadaan Borsak Sirumonggur Sihombing Lumbantoruan Boru & Bere Bangka Balitung dan Sekitarnya, Pengurus: D. Sihombing, Jl.Mentok gg Depannas 1 RT 04 Pkl. Pinang Bangka
  20. Parsadaan Borsak Sirumonggur Sihombing Lumbantoruan Boru & Bere Tanjung Pinang dan Sekitarnya., Pengurus: St.M.Sihombing Jl.Kijang Lama Gg Putri Anjasmara I No.60 Tg.Pinang Timur KEPRI.
  21. Parsadaan Borsak Sirumonggur Sihombing Lumbantoruan Boru & Bere Rantauprapat dan Sekitarnya
  22. Parsadaan Borsak Sirumonggur Sihombing Lumbantoruan Boru & Bere Medan dan Sekitarnya  Pengurus:Ir.Karmel Lumbantoruan Jl.Sei Silan No.45 Medan
  23. Parsadaan Borsak Sirumonggur Sihombing Lumbantoruan Boru & Bere Kota Cane (Aceh) dan Sekitarnya.
  24. BOSNA Punguan Borsak Sirumonggur dohot Boruna Pematang Siantar dan sekitarnya,
    Ketua Umum : Op Christo Ir D S Sihombing, https://www.facebook.com/kamariasianturi
    Sekretaris Umum : Drs Sahat P Sihombing.
    Alamat Sekretariat Jln Tennis nmr 6 Pematang Siantar HP 085664190445.
    Ketua Umum Jln Pergaulan Nmr 20 Pematang Siantar HP 08126497400
  25. Parsadaan Borsak Sirumonggur Sihombing Lumbantoruan Boru & Bere Dairi (Sidikalang)  dan Sekitarnya
  26. Parsadaan Borsak Sirumonggur Sihombing Lumbantoruan Boru & Bere Dolok Sanggul dan Sekitarnya, Pengurus: M.Sihombing , Jl.Singamangaraja No.16 Dolok Sanggul HumbaHas
  27. Parsadaan Borsak Sirumonggur Sihombing Lumbantoruan Boru & Bere Lintong Ni Huta Parranginan danSekitarnya Gr Manoto Sihombing ( O.Sihar)Ps Lama L.Nihuta Humbahas
  28. Parsadaan Borsak Sirumonggur Sihombing Lumbantoruan Boru & Bere Siborong-borong dan Sekitarnya, Pengurus: Manumpak Lumbantoruan Jl Butar Siborong-borong
  29. Parsadaan Borsak Sirumonggur Sihombing Lumbantoruan Boru & Bere Pagaran dan Sekitarnya Pengurus: Pantas Lumbantoruan
  30. Parsadaan Borsak Sirumonggur Sihombing Lumbantoruan Boru & Bere Tarutung dan Sekitarnya Pengurus: Tohom Sihombing Jl.MH Manullang No.15 Tarutung
  31. Parsadaan Borsak Sirumonggur Sihombing Lumbantoruan Boru & Bere Sibolga dan Sekitarnya   Pengurus: Midian Sihombing Jl.Mawar Ketapang No. 63 Sibolga                                    
  32. Parsadaan Borsak Sirumonggur Sihombing Lumbantoruan Boru & Bere Baktiraja dan Sekitarnya
  33. Parsadaan Borsak Sirumonggur Sihombing Lumbantoruan Boru & Bere Samarinda dan Sekitarnya alamat email : ruditoruan@gmail.com
  34. Parsadaan Borsak Sirumonggur Sihombing Lumbantoruan Boru & Bere Singapura dan Sekitarnya alamat email :tsihombing@cbi.com atau bahombing@yahoo.com
  35. Parsadaan Borsak Sirumonggur Sihombing Lumbantoruan Boru & Bere Amerika Utara dan Sekitarnya, Pengurus: Efendy Sihombing Colorado USA
  36. Parsadaan borsak sirumonggur sihombing lumban toruan boru,bere dohot ibebere kota subang jawa barat. Pengurus: Tober Jeus Alfridho Sihombing, https://www.facebook.com/tojeusallhogate - Email : tobersihombing@yahoo.co.id
  37. Punguan Borsak Sirumonggur dohot Boru-bere se Bekasi. Pengurus : B Wilson Sihombing / Poltak TM Sihombing (https://www.facebook.com/profile.php?id=100004826670320)
  38. Punguan Borsak Sirumonggur Boru Bere Bandar Lampung,sekretariat jln Tupai No.100 Kedaton Bandar lampung. Ketua : A.Sihombing hp 085279526345 - https://www.facebook.com/profile.php?id=100005783193302  Sekretaris : Sopian Sitepu SH MH hp 0811791665
  39. Punguan Bosna sian Griya Martubung, Titi Papan, Medan - Labuhan. Pengurus : (1). Ketua : SteFan Sihombing, (2). Koord. Naposo Bulung : Anton Sihombing (A.Samuel)  (3). Promotor : Viery Lumban Toruan https://www.facebook.com/viery.lumbantoruan

Wawancara saya dengan Drs Elys Silalahi Pemrakarsa Tugu Siraja Parmahan di Hinalang Balige.

Wawancara saya dengan Drs Elys Silalahi Pemrakarsa Tugu Siraja Parmahan di Hinalang Balige.

5 Februari 2014 pukul 13:09
Hanya sekedar menambah wawasan dan pengetahuan saja. Wawancara saya dengan amang St Drs Eli Silalahi ( Op Pebe ...Jln Garuda Medan, pesiunan PNS kantor Gubernur Sumut ) saat setelah acara ria raja meninggalnya Parulian Silalahi disaksikan Lae Op Sangkap Maruahal Silalahi ( mantan anggota DPR Pusat ) di Siantar 2 Januari 2014.
DSS : Santabi amang ...songon dia do tingkosna sejarah ni Silalahi di Simalungun
ES : nauli amang hela...alai nunga nian ingkon di jabu hita mangkatahon on....
DSS : Ndang sai adong partingkian na lehet pajumpa hita songon on amang...dia ma na boi sibegeon ni sipareon ima pajojor hamu.
ES : Tole ma molo buti. Na jolo i nunga tung ganjang jala rarat barita na.... Di Simalungun uju i tung marsada jala kompak situtu do sude marga Silalahi..ala mansai na togos jala berkuasa do ima Ompungmuna Pangulu Kenan Silalahi ( Siantar ) dohot ompunghu Lukas Silalahi ( Tigabolon ) dohot Op Domia Silalahi kakek Maruahal Silalahi ( Bah Kapuran ). Laos mangihut muse ma ima Josep ( Josep ==> Johan ==> Mega ==> Maruatas )
DSS : Boh..imuse do hape ??? jadi boasa ma digelari Pandua Tolping anakni Op Domia...jala sian dia do asal usulna umbahen sahat tu Simalungun nasida...hape Pangulu Kenan dohot ompung Lukas sian Sinabang dohot Op Domia sian Sinagiro Raja Parmahan do ...hape sementara Josep sian Tolping do.
ES : Najolo i holan 3 do harajaon di pomparan ni Silahi Sabungan ima Raja Parmahan Silalahi di Balige, Raja Tambun di Sibisa, Raja Sihaloho di Parbaba. Disada partingkian boi do dikuasai pomparan ni Datu Naboratan sian Sinabang ima Pulo Sibandang Muara laos dijou do angka dongan tubuna maringanan di si sian godang luat . Hape masa ma porang jala dibuhar marga2 Lontung nasida sian Pulo Sibandang gabe cerai berai ma nasida sian i adong na lao tu Pangururan, Tolping, jala deba mulak tu Hinalang. Taringot Op Domia, doli2 do pe ibana alai nunga digoari Raja Sidamanik ibana Ompu Domia, di pudian ni ari dungkon marhasohotan ibana jala tubu ma anakna jala dungkon doli2 didok ma tu raja i asa ibana na gabe Pandua ni Tolping pasahat tona atau parenta sian raja tu rakyat marga Silalahi na sian Tolping naung godang maringanan di luat i
DSS : Ai ndang tano ni marga Siahaan tahe Hinalang ???
ES : marga Boru do nasida Siahaan di Hinalang, alai ala burju ni Silalahi marboru gabe marga Siahaan ma tarbarita di Hinalang. Anggo sebenarna jelas do Siraja Parmahan do penguasa tertinggi mulai sian huta Tambunan nuaeng sahat tu Lobu Siregar Siborongborong.
DSS : Jadi boha do parsahatni Silalahi tu Simalungun ??
ES : Godang do angka na buhar sian Pulo Sibandang i ( terutama pomparan ni Sinagiro dht Sinabang ) dung maisolat disada inganan ndang sonang roha nasida alani parir parngoluon di hatiha i...jadi dung mangaranto ompunghu dohot ompungmu Pagulu Kenan...dihara ma muse angka keturunan ni naung buhar ro tu Simalungun alani parngoluon na dumenggan jala dibagihon ma angka tano. Hot ma Ompunghu di Tigabolon, ompungmuna Pangulu Kenan di Sappuran, St Hermanus ompung muna di Tobakpulo-pulo/ Banjarnahor, Op Domia di Kapuran jala pomparan Hutasada ( Sinagiro ) di Sianjur, Josep di Tigabolon.
DSS : Jadi songon dia do parpeakni tarombo Siraja Parmahan ??
ES : Hot do marhaujungan songon na di Tugu Siraja Parmahan na di Bagashuta i ( red : Hinalang Balige ). Naujui marhagogoon do raja siangkangan...di sada tingki laho do mangaranto pomparan ni Sihaloho anakni Siraja Parmahan gabe soadong be baritana. Jadi sanga ma pomparan ni Sanggaraja sian Sinagiro mersa jumawa gabe siangkangan...hape adong ma muse mulak sian pomparan ni Sihaloho i tu Hinalang laos marhite dos niroha maringanan nasida di Bagashuta partanda siangkangan. Sanga do gabe persoalan sahat na marparkara di jaman Bolanda ala ndang tarima Sanggaraja gabe mulak ndang siakkangan be...alai sude pomparan na debanari manghatindangkon hasintongan jadi gabe hot ma mulak tarombo tu hasintonganna. Taringot pomparan ni Sinabutar tong ma gabe patar muse saluhutna tarombo nasida
DSS : Adong do relief tarombo di tambak ni ompung Pangulu Kenan...boha do i...sintong do ???

ES : Songon na hudok nangkin...dung buhar angka pomparan ni Siraja Parmahan sian Pulo Sibandang gabe godang ma mago partaromboon di pinomparna. Alani angka holong namauliutus satingki i...pittor masijouan do molo adong pangabahan parngoluon na denggan di inganan na be. Adong ma i na so mamboto tarombona adong ma i na gabe solot tu tu tarombo ni na deba nanidapothonna. Alani ido disuru jala diongkosi si Sudi Silalahi ( red : Menteri Sekretaris Negara )do si Robert Silalahi ( red : Ketua Umum Silalahi Raja Parmahan Jakarta ) mangalului sada goar di tarombo dia pe taho i alana pandok ni si Sudi mulak tu Hinalang do ompu nasida dung buhar sian Pulo Sibandang i. Tung mansai loja do si Robert mangalului goar...jala didapothon ma ahu na holan ahu do boi mangurupi asa dapot. Tona ni daompung adong do sada keluarga sian Datu Naboratan a buhar i maniop tarombo uju buhar sian Pulo Sibandang jala maringanan di Tombak Pulo2 ( red : Ompu Daud Silalahi ). Lao ma hami tu si....jala toho ma tutu adong do goar songon naniluluan ni si Sudi i. Taringot relief na ditambak ni ompungmu Panugulu Kenan....holan asal na pasti do diboto angka ompungna marsundut-sundut sian Pagarbatu dung buhar sian Pulo Sibandang. Dungi masisungkunan jala masipatangkasan ma dilaon-laon ni ari...alai hot marpatokan tu na di Pagarbatu....gabe sian i ma dapot amngka na marhaha-anggi...alai olo do rupani nunga mago deba sundut i.
DSS : Adong do hubungan ni prahara Pulo Sibandang i tu par Tolping dohot par Pangururan ???
ES : istirahat ma jo hita satongkin amang....tauduti pe annon...jolo mangopi ma jo hita....
ES : talanjut ma muse amang hela, dung prahara Pulo Sibandang i tu porsuk jala parir do na masa i alai mangkorhon tu holong na mauliutus sesama pelarian jala pittor tangi do molo diboto keberadaan ni donganna. Adong ma on deba lao tu Pangururan laos adong na gabe berpengaruh di luat i gabe bergelar ibana Ompu Sinabang ala sian pomparan ni Datu Naboratan. Sadeba adong ma na tu Tolping jala masibeta-betaan ma dohot donganna. Mardomu ala naung adong pomparan ni Sihaloho di Parbaba marharajaon jadi ingkon tunduk ma nasida tu harajaon i alai ndang olo nasida jala merasa terpisah do nasida. Suang songoni ala sai hurang berterima nasida tu pangisi ni luat i gabe godang ma muse berserak. Adong do deba na sian Pulo Sibandang i mulak tu Hinalang termasuk kakek moyang Sudi Silalahi alai tong do ndang sonang rohanasida gabe marserak tu luat na asing. Alani parserahan na so haru masibotoan i godang ma lilu tarombo nasida di angka generasi na mangihut. Sasintongna sarupa jala hita do nasida na di Tolping dohot na di Pangururan i. Tarida do i ditano parserahan Simalungun dipudian ni ari tung mansai masihaholongan jala sapangkilalaan alani prahara Sibandang i.
DSS : Boha do taringot pendirian ni Tugu Siraja Parmahan ?
ES : Nunga godang be na mora jala torop maribur angka pomparan ni Raja Parmahan jala marsangkap naeng mambaen Tugu alai leleng ndang marnasaut. Tung asi ni roha Tuhan i do mangurupi ahu na pogos on membulatkan tekad ingkon terlaksana pendirian ni tugu i....jadi hulean ma tingkiku papunguhon pomparan SiRaja Parmahan di Medan jala dungkon piga2 hali marrapot jadi ma mulai dibangun tugu i. Dung mulai dibangun gabe hohar jala timbul ma semangat tinggi ni sude pomparan ni SiRaja Parmahan asa gabe TOTA angka partaromboan secepatna. Iya saring2 ni Siraja Parmahan di huta ni Tampubolon do ( red : Sibulele ) jonok tu gareja HKBP na disini...sian ima huboan hami tu tugu naimbaru asa dipanakkok.
DSS : Boha turi-turian ni Siraja Parmahan on sasintongna ?
ES : Sasintongna anak ni Raja Silahi Sabungan si nomor 3 ima Rumasondi, anakna ma Bolon Raja, Raja Bunga2 dohot Rumasingap.....( interupsi oleh Maruahal )...
Maruahal : Santabi amang...na huantusi level pahompu na ma Raja Bunga2. Anakni Silahi Sabungan ima Sondiraja do si nmr 3 jala anakna ma Rumasondi dohot Rumasingap.
ES : Molo taringot tarombo di ginjang na berlaku resmi nuaeng antong ba ima naung tarsurat di TUMARAS. Alai na huantusi Rumasondi do Sondiraja...gabe tabba ma nomor generasi ni Raja Bunga2. Dung pe pajumpa ahu dohot Raja Gading par Bukit Cahaya Sidikalang di naro nasida tu Hinalang tangkas ma hami masipatorangan jala ima na tota songon na tarsurat di Tugu ni SiRaja Parmahan i na sinkron tu Tumaras. Sintong do na 3 halak pomparan Silahi Sabungan na diboan sian Dolok Simartaja ima sada sian pomparan Lohoraja jala sadanai sian Baturaja angkup ni Raja Bunga2. Dung dipanaik Tuan Sihubil nasida tu Solu...ndang boi meret solu i. Dibereng namboru Deang Namora ma paraman na 3 i naeng boanonna alai ndang boi meret solu i...jadi dung masipatorangan dohot masielekan nasida dijama namboru ima solu i baru pe meret. Taringot penyerahan tano Simartaja i tu pomparan ni Siraja Parmahan holan permainan politik do i sude 
Maruahal : Bukti na politik ate...so na diloas ahu mambaen jabu disi....hahahaha
DSS : Jadi boha do penyelesaian ni tu Par Tolping dohot par Pangururan ??
ES : Mansai bagas do tertanam taringot prahara pulo Sibandang i dohot pemaksaan ingkon marharajaon tu Parbaba na uju i....jadi masalah eksistensi harga diri tung na borat situtu do i...alai jelas hita do nasida. Ndang tarpature jala na maol do i so holan kesadaran sandiri jala lambat laun asa diingot generasi sisonnari kiblat tu Siraja Parmahan songon na hudok di ginjang 3 do harajaon di pomparan Silahi Sabungan
DSS : Boha do carana marharajaon Siraja Parmahan di Balige ?
ES : Bah...maol do diantusi hamu na hudok i hela....mulai sian huta Tambunan sahat tu Tanggabatu ibana do na berkuasa...molo pomparan ni Sibagotnipohan nadia ma tanona huroa selain sapeltek di Onanraja tu Sangkarnihuta ?? Dungkon diain Tuan Sihubil Siraja Parmahan gabe anakna...ibana ma na gabe penerus estafet ni Sibagotnipohan. Na haduk do dohonon jala paboan ai ise do huroha Tampuk Nabolon i ?? ndada sai sirungkaran i...tokka do i...mangantusi ma hamu
DSS : Dia do hubungan ni Siraja Parmahan dohot raja Mangkuntal Sinambela ( Sisingamangaraja I ) ???
ES : mangulon ma jo hita satongkin amang...tamulai ma muse. Dung borhat Silahi Sabungan dohot SiRaja Oloan sian Balige....tung mansai tarlungun-lungun do nasida jala ponjot ni roha dipambahenan ni Sibagotnipohan. Dung tipak inganan ni Raja Oloan di Bakkara marjanji do nasida nai sai tongtong masiurup-urupan, masipaboaan di barita marhite timus ni api. Tarida do i saleleng di Bakkara Raja Oloan sai jotjot do masa hamusuon maradophon pomparan Lontung...alai holan ro Silahi Sabungan mintor so barani be angka musu i ala mabiar mambege hasaktion ni Silahi Sabungan. Disada tingki martahi ma nasida nadua bertapa di Pusuk Buhit paboa holsoniroha nasida huhut mangido harajaon. Leleng do nasida na bertapa i ...dungi turun ma ..jadi didok Silahi Sabungan ma na gabe sian Raja Oloan ma anggi ni harajaon jala Silahi Sabungan haha partubu na gabe panungkunan...dungi marpadan ma nasida. Di sundut na mangihut....sundut pahompu, adong ma anakni Raja Bonanionan Sinambela ima Raja Manghuntal na gabe Sisingamangaraja I jala Raja Bunga2 nunga gabe marharajaon di Balige bergelar Siraja Parmahan. Hape...angka pomparan ni Lontung ndang mengakui Sisingamangaraja i....dung pe pengaruh ni Siraja Parmahan ndang pola be sai digugai Lontung nasida. Mardomu ma muse tu perompak Badia Porhas marga Siregar ( Lontung ) na jojot membajak parsolu di Muara jadi dipangido par Balige ma asa diporangi jala ditumpas Sisingamangaraja ma angka bajaklaut i.
DSS : adong do hubunganna tu marga Silalahi amang ???
ES : Ima antong...sai dendam do pomparan ni Lontung tu Sisingamangaraja dohot Siraja Parmahan. Di masa na mangihut ...Dungkon dikuasai pomparan SiRaja Parmahan Pulo Sibandang apala di pintu ni pelabuhan Muara i....dalan mengontrol perdagangan dan bajak laut...alani ima luarbiasa hebat penggempuran mambuhar Pulo Sibandang i...songon na hudok nangkin...gabe cerai berai ma nasida masing2 menyelamatkan diri. Andorang so melarikan diri do pe nasida dibahen ma hata partanda atau KATA SANDI ima : SILALAHI atik dia pajumpa jala masijouan muse nasida dipudian ni ari. Jadi asal pajumpa....didokma Silalahi sebagai pengenal....laos dilaon-laon ni ari sian ima na gabe MARGA SILALAHI di sude pomparan ni SiRaja Parmahan. Dungkon hajongjong ni Tumaras gabe sude ma pomparan ni Silahi Sabungan boi mamangke marga Silalahi jala tung so adong do keberatan sian pomparan ni Siraja Parmahan asa gabe partanda na sian pomparan ni Silahi Sabungan do sasude. Note....hita na ma mar-acara hela....nga sae be horong ni hula2...sai adong ma partingkian...boi do pe paganjangonta...beta hamu ma.....( acara mandok hata tu keluarga ni na monding alm Parulian Silalahi ) Pematang Siantar 2 Januari 2014....jam 21.00 sampai jam 22.15 WIB Wawancara by : Op Christo DS Sihombing

Note : Pewawancara adalah Bendahara Umum PPRS Punguan Pomparan Raja Silahi Sabungan Pematang Siantar sekitarnya periode 2013 - 2015