Dungi martahi ma angka anggina i mandabu uhum i tu Sariburaja dohot
Boru Pareme alai ndang adong na bolas tolap mandabu uhum i, gabe
dipabali ma nasida tu tombak longo2 alai masidaoan inganan.
Ia Boru Pareme dipabali ma tu tombak "SABULAN" nuaeng, na toho parasaran manang inganan ni godang babiat. Asa haru mate hatop dipangan babiat molo ndang mate atturaparon ma di tombak i, ima dibagasan rohani angka ibotona i.
Hatiha hundul martuktukian di paca2 pinauli ni tanganna huhut marandung-andung : tumagon ma langge sian singkoru asa tumagon ma ahu mate sian mangolu, laos mangubit nang poso-poso na di bortian....toppu ma ro sada babiat na balga mangorong mandonohi Boru Pareme.
Alai ala naung somal pabereng-bereng angka babiat di tombak i, laos mardomu ala partinaonan na tung posa bernit parniahapanna tung so tubu do biarna...na tumagon mate na ma ahu, padiar ma dipangan babiat on ninna rohana, gabe pasrah ma ibana.
Dung dipaima sangkirdop ndang marna diparsuasae babiat i ibana, baliksa dipangangang babiat i baba na di ampuan ni Boru Pareme sai hira mangido pangurupion.
Dipamanat ma tu bagas baba ni babiat i aha do ulaning na masa....hape na adong do solot holi-holi di tolonan ni babiat i.
Asi ma roha na mida babiat i...tung so adong do biarna...disurdukkon ma tanganna tu bagasan baba ni babiat i mambutbut holi-holi na solot i.
Masa ma hahomion ni Mulajadi Nabolon, sada babiat na buas gabe mangimpurt menak tunduk tu Boru Pareme laos dibahen ma goarna BABIAT SITELPANG.
Dungi dilaon-laon ni ari ganup manogot dohot botari, sai dipattaruhon babiat ima sipanganon tu Boru Pareme sian na binuruna.
Sai diramoti babiat i do Boru Pareme atik adong nanaeng mamolgak ibana babiat na asing sahat tu na dapot tingkina hum nang di bulanna tubu ma Raja Lontung.
Lam magodang ma Siraja Lontung dohot inana i diparmudu-mudu babiat i marhite sipanganon di tonga ni tombak na margoar ULU DARAT.
Diajari Boru Pareme do anakna Siraja Lontung taringot ruhut-ruhut nasa parbinotoan asa gabe jolma na malo jala na bisuk anakna ni dipudian ni ari gabe sahalak natarbarita.
Note : 1. Sian turi-turian on dapot hira na adong sada padan molo pajumpa pomparan ni Lontung dohot babiat tung na so jadi mahua jala marsihorasan.
2. Turi-turian on berlanjut do pe taringot hasasaut ni Siraja Lontung tu inongna i Boru Pareme dohot barita ni pinomparna Lontung si sia sada ina pasia boruna Sihombing-Simamora.
Ia Boru Pareme dipabali ma tu tombak "SABULAN" nuaeng, na toho parasaran manang inganan ni godang babiat. Asa haru mate hatop dipangan babiat molo ndang mate atturaparon ma di tombak i, ima dibagasan rohani angka ibotona i.
Hatiha hundul martuktukian di paca2 pinauli ni tanganna huhut marandung-andung : tumagon ma langge sian singkoru asa tumagon ma ahu mate sian mangolu, laos mangubit nang poso-poso na di bortian....toppu ma ro sada babiat na balga mangorong mandonohi Boru Pareme.
Alai ala naung somal pabereng-bereng angka babiat di tombak i, laos mardomu ala partinaonan na tung posa bernit parniahapanna tung so tubu do biarna...na tumagon mate na ma ahu, padiar ma dipangan babiat on ninna rohana, gabe pasrah ma ibana.
Dung dipaima sangkirdop ndang marna diparsuasae babiat i ibana, baliksa dipangangang babiat i baba na di ampuan ni Boru Pareme sai hira mangido pangurupion.
Dipamanat ma tu bagas baba ni babiat i aha do ulaning na masa....hape na adong do solot holi-holi di tolonan ni babiat i.
Asi ma roha na mida babiat i...tung so adong do biarna...disurdukkon ma tanganna tu bagasan baba ni babiat i mambutbut holi-holi na solot i.
Masa ma hahomion ni Mulajadi Nabolon, sada babiat na buas gabe mangimpurt menak tunduk tu Boru Pareme laos dibahen ma goarna BABIAT SITELPANG.
Dungi dilaon-laon ni ari ganup manogot dohot botari, sai dipattaruhon babiat ima sipanganon tu Boru Pareme sian na binuruna.
Sai diramoti babiat i do Boru Pareme atik adong nanaeng mamolgak ibana babiat na asing sahat tu na dapot tingkina hum nang di bulanna tubu ma Raja Lontung.
Lam magodang ma Siraja Lontung dohot inana i diparmudu-mudu babiat i marhite sipanganon di tonga ni tombak na margoar ULU DARAT.
Diajari Boru Pareme do anakna Siraja Lontung taringot ruhut-ruhut nasa parbinotoan asa gabe jolma na malo jala na bisuk anakna ni dipudian ni ari gabe sahalak natarbarita.
Note : 1. Sian turi-turian on dapot hira na adong sada padan molo pajumpa pomparan ni Lontung dohot babiat tung na so jadi mahua jala marsihorasan.
2. Turi-turian on berlanjut do pe taringot hasasaut ni Siraja Lontung tu inongna i Boru Pareme dohot barita ni pinomparna Lontung si sia sada ina pasia boruna Sihombing-Simamora.
